1472/2026-2027

Aizawl the 21st July, 2026: Ministry of Road Transport and Highways hnuaia National Highways and Infrastructure Development Corporation Limited (NHIDCL)-chuan State Specific Graduate Scheme (SSGS) hnuaiah Associate hna a la dawn a. State leh Union Territory-ah post 100 siam a ni a, chung zingah chuan Mizoram tan post 8 dah a ni.

Dil tu chu Civil Engineering emaw a tlukpui degree nei leh Mizoram mi leh sa dik tak an ni tur a ni. Graduate thar leh kum hnih aia tlem experience nei te pawhin an dil thei ang. Diltu hi kum 30 aia upa lo an ni tur a ni.

Hlawh hi thla khatah ₹70,000 - ₹80,000 fix a ni a, contract basis a thawh tur a ni.

Associate-te chuan construction enkawlna, project monitoring, contract management leh quality assurance lamah NHIDCL an pui ang a, induction training programme pawh an nei bawk ang.

Dilna hi online-in thehluh tur a ni a. Dil theih hun chu 5 August 2026 thleng hawn a ni. Hre chiang duh tan https://nhidcl.com/homepage ah en theih a ni.