3866/2024-2025

Aizawl, the 17th January, 2025: National Highways Infrastructure Development Corporation Limited (NHIDCL), Regional Office, Aizawl Executive Director Pu Virendra Kumar Jakhar leh a thawhpuite chuan vawiin tlai khan Mizoram Governor Gen (Dr) VK Singh, PVSM, AVSM, YSM (Retd) chu Raj Bhavan-ah hmuin Mizoram chhunga NHIDCL hmalakna leh hmachhawpte an sawipui.

He hunah hian Governor Gen (Dr) VK Singh, PVSM, AVSM, YSM (Retd) chuan NHIDCL kaltlanga Mizorama kawngpui siamte chu Mizoram chaklakna pawimawh tak tak, nitin khawsak phung thlenga nghawng thei a nih thu a sawi a. NHIDCL te chu kawngpui tha leh tlo hun tiam chhunga zo fel hman tura tan la tur leh tunlai thiamnate hmang tangkai turin a chah a. A bik takin State pawn atanga mamawh lakluhna kawng pawimawh tak Silchar pawhtu kawngpui chu ngaipawimawh lehzual turin a chah a ni. 

He hunah hian NHIDCL Regional Office Executive Director-in Mizorama an hmalaknate Powerpoint Presentation hmangin a sawifiah a. A tarlan danin Mizoramah National Highway hna khawih 1523 Km a thui awm a, NHIDCL kutah 921 Km awmin 602 Km PWD kutah a awm a. NHIDCL enkawl zinga 547 Km zawhfel tawh a ni a, 221 Km thawh mek niin, hmalak lehna tur 153 Km an nei a ni.