No.5975/2020-2021 

Dt. 10.10.2020: Mizoram-Assam ramri Thinghlun khaw daia ni 09.10.2020 (Friday) a thil thleng chungchangah a hnuai ami ang hian Mizoram sawrkar chuan hma a la a ni:

1) Ni 10.10.20 (Saturday) hian DC. Mamit District, Dr. Lalrozama, IAS; SP Mamit Pu Shashank Jaiswal, IPS leh 4th IR Battalion Commandant Pu Lallianmawia, IPS te chuan 9.10.2020 a Karimganj District official te’n Pu John Zolawma s/o Lalremsanga, Thinghlun thlam an halsak a kuhva kungte an tihchhiat sak leh Pu Ben David s/o Duhkima, Thinghlun kuhva kung an tihchhiatsakte a hmunah an enfiah.

2) Karimganj official-te mawilo tak leh dan pela an chet avangin Kanhmun Police Station-ah FIR thehluh a case register a ni a. Case hi chak taka bawh zui nghal tur a ni.

3) Mizoram Assam ramri, Thinghlun khaw daia nimin 09.10.20 a Assam Officials te’n ‘Govt. of Assam, Office of the Sub-Beat Forest Office, Ronpur (under Cheragi Range) Karimganj Division’ tih signboard an tar chu vawiin ni 10.10.20 ah Mamit District official-te’n an la thla nghal.

4) Pu John Zolawma thlam tihchhiatna hmunah hian 4th IR Battalion te’n vawiinah Puan in 2 (Pahnih) kaih in an awmchilh nghal bawk. Thawhtanni (12.10.20) hian Pu John Zolawma huanah hian 4th IR Battalion Platoon 1 ramri venga an awm theihna turin Thinghlun Khawtlang in permanent barrack sak hnatlang an nei nghal dawn tih report dawn a ni.

5) Ni 10.10.20 dar 1:00 pm ah Chief Secretary hovin DGP, Home Secretary, IGP (L&O), IGP (HQ), Secretary LR&S, DIG (NR), Joint Secretary L&J leh Home Department leh LR&S Officers te nen meeting neih nghal a ni a. Hemi ni vek Dar 2:30 P.M. ah Central YMA leh MSU O.B. te nen Chief Secretary hovin meeting neih zui a ni bawk.

6) DGP, Mizoram chuan sawrkar official-te leh NGO-te meeting zawh hian DGP, Assam bia in Mizo mipui leh sawrkar duhdan te a thlen nghal.

7) Mizoram Sawrkar chuan Karimganj District official-te chetdan hi dem hle a. Dan piah lama an chet avangin Assam Sawrkar-ah leh Ministry of Home Affairs-ah ziak in lungawilohna a thlen dawn a ni.