January 13 leh 14, 2009 hian Ni hnih awh Mizorama Lirnghing lo thlen palha lo inbuatsaih lawkna leh chumi kawnga Mizorama mawhphurtu te intuaitharna leh Conference chu Agriculture Committee Room-ah neih a ni. He Conference leh intuaitharna hi National Disater Management Authority (NDMA) kaihhruaiin, Mizoram Sorkara Disater Management & Rehabilitation Department huaihawt a ni. He hun hmang tùrin New Delhi atangin Brig (Dr) B.K.Khanna, Senior Specialist, leh Maj.General V.K.Dutta te lokalin, Guwahati atangin Anil Verma,Commandant, NDRF a lo kal bawk a ni. He Conference hi Pu K.Riachho, Secretary, Disaster Management-in kai hruaiin a ho va, Home Commissioner leh Mizoram Sorkar hnuaia  helam buaipui tute chu an kal tha hle a, mi 40 dawn lai an kal a ni.

 

He hunah hian Brig.(Dr) B.K.Khanna chuan, “Mizoram leh North East State te hi Lirnghing hlauhawm zual ber (Zone V) a nih avangin nasa taka inbuatsaih tul thu leh, Sorkarin he lama nasa taka hma a lak a tul takzet a ni tih sawiin, NDMA hi India Sorkarin kum 2005 khan din tanin, India ram State tinah zirtirna pe tur leh sum tul ang angte pawh ngaihtuahsak thei tura duan a nih thu te, Mizoram pawhin Plan Package tha tak an siam veleh an mamawh angte chu pek theih a nih tur thu a sawi a ni. Anil Verma, Commandant, NDRF (National Disaster Response Force) pawhin India Hmarchhak State te tanpui tùrin NDRF Bn. Hqrs chu Guwahati-ah dah a niin, khawl chi hrang tha tak tak neiin a inbun a. State hrang hrangah pawh a tul hun apiangah pui tùrin an kal thei a, Training pe tur pawhin an kal their eng a ni tih a sawi a. Mizoram pawhin a sáwm phawt chuan an inkau reng a ni tih a sawi bawk. Dr.Lallenmawia, Joint Director, Geology & Mining Department pawhin India ram leh a bikin N.E. India chu Lirnghing hlauhawmna hmun a nihzia,  lei chhung awmdan tlangpuite sawifiahin zirtirna tha tak a pe bawk.
     
Jan.14, 2009 hian Conference hi chhunzawmin, Aizawl SP,Aizawl District Medical Officer, Fire Services, BRTF, Assam Rifles hotuten Chhiarrupna lo thleng palh laka inveng tura mahni tihtur theuhva hma an lak dante sawihovin, Brig.(Dr) B.K. Khanna chuan Fire Services tan Tunlai khawl chi thar ber, zangkhai tak si, tha tak mai awm chu an mamawh ang Demand Package-a telh ngei  se, pek an nih tur thu a sawi nghâl bawk a ni.
     
Nilenga Conference hi hmangin, zirhona mumal tak, chip chiar takin an sawiho va, Police, Fire Services, Medixcal, NGO te thawh dan tur te, Mizoram khaw tina hetiang lama harsatna lo thleng phut thei laka roreltu (Thuneitu) ten an kenkawh dan turte sawiho a ni a; February 16 or 17 hian Aizawl-ah Mock Drill huaihawt a ni ang a, District dang atangin Observer lo kal ngei tura beisei an ni dawn bawk a ni.