2193/2025-2026

Aizawl, 13th November, 2025 : Vawiin khan Agriculture & Farmers’ Welfare Department buatsaihin ni hnih awh tur Crop Insurance Scheme (PMFBY) chungchang training chu Directorate of Agriculture & Farmers’ Welfare Department Committee Room ah tan a ni.

He trainingah hian Central Project Management Unit (CPMU), New Delhi atanga lo kal mithiam pahnih - David Kar leh Jitendra Satapathy - ten zirtirna an pe, anni pahnih bakah hian CPMU, New Delhi atang online hmangin an zirtirna an rawn pe bawk.

Vawiin training hi Agriculture leh Horticulture Department, Directorate leh District Office atanga technical staff leh officer te tana buatsaih a ni a. Naktukah Bank leh Common Service Centres (CSC) te tan training hi chhunzawm leh a ni ang. He training hi Pu R. Lalnunzira, Director, Agriculture & Farmers Welfare Department in a hawng a ni.