Vawiin hian Lawngtlai a Central YLA Hall ah ni thum awh tur District Level Prime Minister Employment Guarantee Programme Exhibition chu Mizoram Khadi and Village Industries bul tuma neih tan a ni.

Vawiina Exhibition hawnna inkhawm hi Pu Lalzidinga, Dy. CEO (Administration) MKVI in a kaihruai a, Pu K. Lianzuala, Chairman MKVI Board chu khuallian niin; Pu V. Zirsanga, LADC CEM chu khualzahawm a ni.

Thusawiin khuallian chuan Mizorama KVI Board kalphung leh an hnathawhte leh KVI kaltlanga ramin hmasawnna a neih tawh hrang hrangte a tarlang a, themthiam thil zirna chi hrang hrang tunah kalpui mek niin Puanthui, hnangtah, thillem ker leh kurtai siamte chenin training theih a nih thu leh heng trainingte hi a thlawn veka kalpui a nih thu a sawi a ni.

Khualzahawm Pu V. Zirsanga, CEM, LADC pawhin hetiang hun tha leh remchang tak Lawngtlai District in a thleng thei chu lawmawm hle a a hriat thu sawiin, Lawngtlai District chhunga hetiang lama talent nei thate leh zir chakte a chawh phur a rin thu a sawia, mipuite chu he exhibition tlawh theuh turin a sawm a ni.

He Exhibition ah hian dawr hrang hrang sawm leh pahnih awmin heng dawrah te hian thiamthil chi hrang hrang pho chhuah an ni a, a hawn ni atangin mi engemaw zat ten an tlawh nghal a ni.

Exhibition hian Dt 28th-30th January, 2014 chhung neih tur a ni.