Vawiin khan NLUP Implementing Board(NIB)Chairman, Pu R.Selthuama chuan Sakawrtuichhun, Tanhril, Tuivamit, Chawlhmun leh Govt.Complex te tlawhin NLUP beneficiary te hmalakna a hmunah a en a. Industries leh AH&Vety department hnuaia beneficiary 10 ve ve, an vaiin chhungkaw 20 a tlawh chhuak a ni. Heng beneficiary te hian an hmalakna an tih puitlin dan a hmuh in Pu Sela chuan lawmawm a tiin vawiina Aizawl khawpui chhung hmun hrang hrang a beneficiary te hna thawh dan a hmuh chuan, NLUP hlawhtlin na tura beiseina a tisang hle a ni, a ti.

Pu Sela hi District Implementing Committee aiawhin Pu J.Hmingthanmawia, Addl. D.C, Aizawl leh line department hotu te, Pu John Saikhuma, General Manager, DIC Aizawl, Dr.Hmarkunga DVO leh Pu Liansailova, Deputy Director(Accounts) NIB ten an tawiawm a. Pu Sela hian tun kar hun remchang hmasa berah Aizawl khawpui pawn lam beneficiary te hmalakna a en ang.