“Improvement of District Statistical System” tih thupui hmangin nihnih chhung awh Training chu nimin dt.13.2.2013 leh vawiin dt.14.2.2013 hian DC’s Conference Hall, Saiha-ah neih a ni.

Nimin Training tan ni hian Pu VL Remliana, D.R.O. Saiha chuan programme a kaihruai a, Pu Saihlira, Director & Additional Chief Registrar, Economics & Statistics Department chu khuallian a ni. Thu sawiin khuallian chuan training a lo tel zawng zawng te hnenah lawmthu a sawiin an department hnathawh leh hmalakna chi hrang hrangte leh an hmachhawp mek te a sawilang a, he he hna thawk tura Enumerators thlanchhuah hrang hrang te chu mipui leh ram tana thahnem ngai taka thawk turin a chah bawk a ni. Pu Dengzika, DD, E&S chuan fuihna thutawi sawiin Pu A Vanlalhluta, F.A. leh Pu V Lallianzuala, S.I.S ten kalkhawm te hnenah training an pe a ni. Nimina training neihna ah hian Saiha District chhung Enumerators mi 81 an tel a ni. Vawiin chawhma dar 10:00 khan he training programme hi chhunzawm leh niin Pu VL Remliana, D.R.O Saiha chuan programme a kaihruai a, Pu Saihlira, Director of Economics & Statistics & Chairman Mizoram Statistical Development Agency (M.S.D.A) chu khuallian a ni.

Vawiin training neih hi Saiha leh Lawngtlai District a Economics & Statistics Department Staff ho tan bik a ruat a ni. He training ah hian Pu George Paul, Consultant M.S.D.A, Pu H Biakchhunga, R.O. Saiha leh Pu Dengzika, Deputy Director, Economics & Statistic Department ten training an pe a ni.