Nihnih chhung awh tur rilru lam hriselna chungchang zirhona Workshop on Mental Health chu vawiin khan Mizoram Assembly Annexe Conference Hall-ah Mizoram Governor Pu Vakkom Purushothaman an a hawng. Workshop hi Mental Health Programme, Directorate of Hospital & Medical Education, Health & Family Welfare, MSACS leh Department of Psychology, MZU te tangkawp buatsaih a ni. Hawnna inkhawm hi Pi Esther Lalruatkimi IRS, Secretary, Health & Family Welfare in a kaihruai a. Zirhona hi Rev. Aneurin Owen, Ex-Director of CAIS - The Drugs & Alcohol Agency in Wales, Ex-Director of the Institute of Alcohol Studies, London, UK, Minister of the Gospel Presbyterian Church of Wales, UK nilai leh Dr. R.L. Sanghluna, Synod Hospital, Durtlang ten an pe a ni.

Governor chuan tunlai khawvelin a buaipui ber pakhat rilru hrisel lohna lam tireh tura inrawnkhawmna leh sawihona hun changtlung tak Mizorama nghah a ni chu a bikin Mizoram mipuiten an chhawr tangkai ngei a beisei thu leh workshop huaihawt tute chungah lawmthu a hrilh a. Nihnih chhung workshop neih turah hian rilru lam hriselna pawimawh ziate chutiang tlakchhamna chuan mimal leh khawtlang nunah nghawng tha lo tak tak a chhuah theih dan te, mihring nunphunga rilru lam hriselna pawimawh zia te thlurbing a ni dawn tih ka hriat hian ka lawm a.

Rilru lam hrisel lohna hi natna benvawn leh kaihhnawih thui tak nei chhungkua leh mimal tibuai thei a nih laiin ven theih leh enkawlna dik tak nen chuan tih dam theih a ni. Mizoram chu kan vannei em em a. Kohhran, tlawmngai pawl leh pawl hrang hrangin hetiang dona kawnga hma an la hi a chhenfakawm tak zet a ni Larsap chuan a ti bawk.

He workshop in a tum ber chu ruih theih thilin rilru hrisel lohna a siam dan leh hemi kawnga inven dan leh enkawl dan zirhona leh sawihona a ni.