Vawiin chawhnu dar 1- 2 inkar khan Sericulture department hnuaia NLUP dawng turte hnenah 2nd Instalment atan Pu R. Lalrinawma, MLA leh Law Commission Chairman nibawk chuan a bialchhung Aizawl East I te tan Zemabawk North YMA Hall-ah a sem.

Second Instalment hi mi 18 hnenah Rs. 25,528/- theuhin sem a ni a, semna inkhawm hi Pu C. Rozawna, District Sericulture Officer, Aizawl chuan a kaihruai a, Pu Donatus Enga, Jt. Director pawhin thu a sawi.

Pu R. Lalrinawma chuan Pu Hawla kaihhruai sorkar thutiam a ding thin chuan kut hnathawktute leh retheite dawn kan nan a takin NLUP atan sum an sem zel thu sawiin, kuthnathawk tute leh chanhaite tan sorkar-ah chanvo a awm ve lo ti thin ten NLUP sum an dawng ta chur chur mai chu lawmawm a tih thu a sawi.

NLUP atan kuminah cheng vaibelchhe 234 dah anih thu sawiin, dik tak leh thahnemngai taka dinchhuah ngei theih nan hmang turin hnathawhna tura tanpuina dawngtute chu Pu Rinawma hian a fuih a ni.