Vawiin chawhnu khan Animal Husbandary & Veterinary Farm Complex Lunglei Firmveng ah NLUP 2nd Phase Final installment Ar leh Vawk vulhtu chhungkua 494 hnenah Rs. 1,37,39,200/- chu Pu Ngunlianchunga, AH&Vety Minister in Lunglei 'E' leh Lunglei 'W' Cluster te henah a sem.

Dr. Vanlalbuanga, DVO Lunglei in inkhawm kaihruaina hnuai ah Pu Ngunlianchunga chuan thusawiin malsawmna kan dawn hi anihna ang taka hmang turin a chah a, Sawrkarin mirethei leh chanhaite NLUP hmanga chhanchhuah hi a tum a ni a. Chhungkaw nuai 1 leh sing 3 hnenah NLUP pek an ni tawh a. Hei hian Zoram ah hmasawnna tam tak a thlen thu a sawi bawk. Sawrkarin Vawk, Vawk In leh a chaw thlengin a sem avangin beneficiaries te hi pheichham man in ni a ti a, he malsawmna hi bawhpelh lovin taimakna leh rinawmna nena hlawhtlinpui theuh turin a chah.

NLUP dawn hi duhdah tak leh a hman na tur nilo a hmang lova, a hman na tur diktak leh chhungkaw intundin nana hmang theuh turin a chah a ni. Vawk leh Ar ah intodelh a rampawn atanga la lut lovin mahni thar chhuah a intodelh theuh i tum ang u tiin kalkhawm te a chah bawk.