Vawiin chawhma dar 10 : 30 khan DCs Conference Hall, Saiha-ah Saiha District chhunga Agriculture Department hnuaia NLUP dawngtu mi 68 hnenah NLUP sum a thawh thumna (Third Installment) sem a ni.

He programme hi Pu Lalhmingmuana, Sub-Divisional Agriculture Officer, Saiha District, Saiha chuan a kaihruaia training an neih chhan sawihawnna a neih hnu ah Pu K.Cholo, DAO & PD, ATMA, Saiha District chuan “Kut hna thawk tute puitu” C.D a tlangzarh a, he C.D. hi khaw hrang hrang ah a thlawna sem ani. Thu sawiin D.A.O. & PD, ATMA chuan kut hnathawtu ten NLUP tangkai taka an hman theih nan leh din chhuahpui ngei theih nana a hlawhtlinna tur kawnga hmalak dan tur hrang hrang pali a tarlang a ni.

Dr Chawngkhuma Chawngthu, President, AMFU, Saiha District pawhin thu sawiin kan ram that zia leh a leilung pawh thlai chikim maiin a ngeih ani tiin Mizoram a kan awm hi kan vannei hle ani ati bawk. Mizoram sawrkar in NLUP hmangin bul min tan sak tawh a theih tawp chhuah a tanla a intodelh tum theuh turin kalkhawmte a chah a, hlawhtlinna thuruk pawimawh ber chu Taimakna hi ani ati bawk.NLUP dawng tute chu pawisa an dawn te tangkai taka hmang turin a chah ani. Bible in min zirtir angin kan talent (NLUP) dawn theuh te tipunga mahni intodelh nan a hmang ngei turin kalkhawmte a chah ani. He NLUP 3rd Installment ah hian WRC-I ah Rs 39,000/pek an ni a, WRC-II ah Rs 28,000 pek niin Sugarcane ah Rs 20,000 pek an ni.