Tun thla ni 11-13 khan, Media Cell, NLUP/I&PR leh AH & Vety Department officer te chuan Durtlang, Sihphir, Lungdai, Serkhan, Kolasib, Bilkhawthlir, Thuampui leh Muthi a NLUP bawng a hmunah tlawhin an dinhmun an en.

NLUP bawngte hi an lo kalna a hlat em avang leh kalkawngah enkawl that nilo nia hriat avangin an lo thlen tirh khan an cherin, Durtlang leh Sihphir khua ah te phei chuan vanduai thlak takin natna veiin an thi nual a nih kha.

Tun dinhmunah chuan heng khua a an tlawh theih theih bawng dawngtute chu an lawm hle a, an bawng pawh an mam tawhin, thenkhat chuan note an nei a, a hnute sawrin an hralh chhuak tawh a ni. Bawngpu thenkhat chuan nitin bawnghnute litres 20 aia tam an sawr a, an hlim hle tih thu dawn a ni.

MULCO in report an pek danah chuan NLUP bawnghnute, MULCO a an chhun luh hnu ah hian bawnghnute litres 800 chuangin a pung a, chutiang bawkin Kolasib KOMUL ah pawh NLUP bawnghnute avangin bawnghnute a pung nasa hle a. Bilkhawthlir khua chuan KOMUL ah hian an chhung lut hnem ber a, litres 350 - 400 an chhunglut a ni.

MULCO a bawnghnute chhun luh te hi NLUP sum senga lei Mobile Tanker, chuan Sihphir khua atanga tan in an la khawm a, chu chu MULCO hmunpui Thuampui veng ah a tih thianghlimna hrang hrang nen an sawngbawla, a packed hnuah hralh a ni thin a ni.