Vawiin chawhma dar 10 khan NLUP hnuaia Hair Cutting (Lumeh/Sam siam) thlangtute tan training Assembly Annexe Building Conference Hall-ah buatsaih a ni a, he training hi Pu Zorammuana, Director, UD & PA chuan a kaihruai.

He huna khuallian Pu P.L. Thanga, Vice Chairman/CEO, NLUP Implementing Board chuan hair cutting thlangtute chu an hnathawh tur pawimawh takah rinawmna leh tih tak taka tan la turin a fuih a, tihtakzet a tan an lak chuan chhungkaw eizawnna ngelnghet an nei thuai dawn a ni, a ti.

Pu Vanneihtluanga, Chanmary chu Resource Person niin, kalkhawmte hrilhfiahna leh fuihna hun a nei bawk.