Vawiin khan Soil & water Conservation, Aizawl District chuan 2nd Phase NLUP 1st Installment a sem a, Aizawl District huam chhunga chhungkaw 797 hnenah ‘LOVAHNA’ turin Rs.5000/- theuh a sem. Hmunphiah thlangtu chhungkua 727 hnenah Rs.36,35,000; Rubber thlangtu chhungkua 61 hnenah Rs.3,05,000 leh Coffee thlangtu chhungkua 9 hnenah Rs.45,000 sem a ni.

NLUP hnuaia Trade hrang hrang thlangtute hi Training pek nghal an nih bakah infuihna leh hmalak dan turte an inhrilhfiah nghal a ni. NLUP dawngtuten an pawisa dawn te chu dik leh felfai taka, a hmanna tur ngeia hman an tum thu leh hlawhtlin pui ngei an tum thu an sawi bawk.

1st Phase-ah hian Aizawl District huamchhungah Soil & Water Conservation Department hnuaiah Hmunphiah thlangtu chhungkua 1321 hnenah Rs.9,70,40,000 sem a ni tawh a; Rubber thlangtu chhungkua 66 hnenah Rs.29,64,500 leh Coffee thlangtu chhungkua 6 hnenah Rs.3,65,400 sem tawh a ni bawk.

Soil & Water Conservation Department Beneficiary-te zinga mi, State Level Competition-a Aizawl District aiawh tura thlan Pu R.C.Biakchungnunga, s/o Vanlallura, Darlawn khua Hmunphiah chingtu chu Aizawl District-a NLUP ti tha berah District Level Selection Committee chuan a thlang a. Sailutar khua Hmunphiah chingtute chu Aizawl District chhunga NLUP titha khuaah 2-na atan thlan a ni bawk. heng District Level-a ti tha thlanchhuahte avang hian midang pawhin an phur phahin nasa leh zuala tan lak an tum a ni.