Nimin khan Khawruhlian leh Sesawng khuaah NLUP hnuaia puanthui leh carpentary thlangtute hnenah Pu RL Pianmawia, MLA, Govt. Dy.Chief Whip chuan khawl a sem.

Pu RL. Pianmawia chuan kalkhawmte hnenah puanthui khawl leh thingzai khawl te chu a nihna ang taka hmang tangkai turin a chah a, NLUP sum leh khawl sem chhuah te chu loan a pek an nihloh thu leh chhungkaw eizawnna ngel nghet dinna tura sorkarin a pek a nih ang ngei a, lawm tak a dawnga, rinawmna leh taimakna nen hmang tura chahin eizawnna ngel nghet an tu leh fate thlenga siamtu a nih theih nan theihtawp chhuah turin a chah a ni. Sorkarin NLUP dawngtute chu an hmalak dan a enzui zel dawn avangin eizawnna puitling siamsak tura an thlan chu dik taka kalpui chu dawngtute mawhphurhna anih thu Pu RL Pianmawia chuan a sawi bawk.

NLUP semna inkhawm hi Pu Rothuama, SDO (Sadar) Aizawl District chuan a kaihruaia, Line Department 8 te atangin an officer ten thu an sawi bawk a ni.