Ni thum awh tur NLUP hlawhtlinna hrang hrang phochhuahna ‘NLUP Kutpui’ (NLUP Fair-cum- Exhibition) chu naktuk chawhma dar 11:00 ah Mizoram Chief Minister Pu Lal Thanhawla’n Assembly Annexe Conference Hall-ah a hawng ang.

NLUP Kutpui hi March ni 6-9, 2018 chhunga neih tur niin Assembly Annexe-ah NLUP Line Department hrang hrang ten an hmalakna an pholan bakah NLUP tanpuina dawngtu mihlawhtling ten an tharchhuah chi hrang hrang mipui hmuh theih turin an pho chhuak ang a, heng te hi a duh apiamg tan man tlawm zawk (subsidy) a lei theih ani bawk ang. He Kutpui hman chhung hian AH&Vety Department leh Horticulture Department hmalakna  in a thlawn a Ran leh Thlai entirna ( Free Animal & Plant Health Clinic) buatsaih ani ang a, NLUP hlawhtlinna hlim thla pholanna “Photo Exhibition” neih a ni ang.