Ni 28.5.2016 khan Chhingchhip khua, Chhingchhip Run ah NLUP leh RKVY hnuaia Sapthei chin tanpuina Pu P.C. Zoram Sangliana, MLA leh Chairman MIFCO nibawk chuan a sem.

He semna inkhawmah hian Pu Zoram Sangliana chuan, tanpuina dawngtute fuihna neiin, sawrkarin a thlawna tanpuina a pek chu Pathian tih chungin, rinawmna leh taimakna nen hmang dik turin a fuih a ni.

Tuikum Cluster hnuaia Caprive Farming of Passion Fruit (Sapthei) hi NLUP leh RKVY Convergence Scheme hmangin Mizoram sawrkar chuan Implementing Agency ah MIFCO a ruat a, he Project hi kum 2013 ah approved niin kum 2014 ah hmalak tan a ni.

He Cluster hnuaiah hian khaw 11 thlan niin, Beneficiaries 612 awm ah a ti tha lo an awm avangin Beneficiaries 444 te chauh hi hmalak pui chhunzawm an ni a, Beneficiaries 168 te chu tanpui tlak lo leh ti tha duh lo an nih avangin tanpui zui an ni lo.

He Project pumpui atan hian Rs. nuai 783.62 dah niin NLUP atangin Rs. nuai 521.12 pe in, RKVY atangin Rs. nuai 262.50 pek an ni.

Project hi tan anih atangin khaw thlan tin atangin V/C leh Villege Level NLUP Committee (VLNC) te leh Area Officer (AO) ten verification tum 2 an nei a, hei hian nasa takin hmalakna a ti hlawhtling a ni.

Tuna tanpuina sem hi tuikhuah siamna tur leh huan enkawlna tur a ni.