Agriculture Department hnuaia Kolasib District chhunga NLUP 3rd & 4th Phase sem a ni a, Pu Hmingdailova Khiangte, Parliamentary Secretary chuan Diakkawn YMA Hall ah a sem.

Pu Hmingdailova Khiangte chuan NLUP chu kuthnathawktu te chawikanna atan leh leirem an rah theihnana duan a nih thu sawiin, sorkarin sum a sen te a lothlawn maia a luan loh nan a dawngtute tan angaih thu a sawi a. NLUP dawngtute zingah hlawhtlinpui leh dinchhuahpui an awm zel chu lawmawm a tih thu sawiin, mi taima apiang an hlawhtling zel ang a ti.

Vawiina NLUP sem hi Kolasib district chhunga Tuirial, Kolasib leh Serlui cluster a 3rd leh 4th Phase hnuaia Oil palm chin thlangtu mi 489 hnenah Rs.20,000/- theuh a sem niin, semchhuah zawng zawng hi Rs.97.20 lacs a ni a. WRC-II trade thlangtu beneficiary pakhat hnenah Rs.20,000/- sem a ni bawk.

Vawiin NLUP semrual hian Oil Palm chingtute training pek nghal niin, mithiamten Oil palm chindan leh enkawl dan an zirtir a ni.

Vawiin hun hi Pu H.Lalengmawia,IAS Kolasib DC, Dr.C.Lalzarliana, Agriculture Director, SP, Director SIRD leh official dangten an tawiawm a ni.