Mizoram sorkar chuan NLUP Beneficiaries chhungkaw 33751 hnenah 1st Instalment Rs. 687,581,402/- a sem chhuah tawh bakah vawiin khan Aizawl chhung bikah AH & Vety Trade thlang chhungkaw 2066 hnenah cheng vaibelchhe thum leh nuai sawm sarih pakua (3.79 crore) sem leh turin a buatsaih.
1st Installment sem tawh hnuah Land Base Trade thlang te Agriculture, Horticulture, Soil & Water Conservation leh Forest Department te chuan beneficiaries ten a hun taka hna an thawh theih nan 2nd Installment an sem chhuak dawn a. Forest Department phei chuan an sem tan ta.
Industries, AH & Vety, Soil & Water Conservation Department te chuan an target aia sang beneficiaries an neih tak avangin an department atana sum dah sa ten a daih dawn lova, chutih lai chuan Agriculture, Environment & Forest leh Sericulture Department te chuan Beneficiaries a an target an phak loh thung avangin 2011 - 2012 NLUP budget ah a tawn tawn hian siam rem sak an ni ang.
NLUP Implementing Board thuchhuak angin District tina DC te chuan NLUP dawng lo tur dawng tur list a awmte ennawnna neiin, dawng lo turte chu an paih mek zel a, chutih lai chuan NLUP Implementing Board hnathawktu te pawhin dik lo pek an nih loh nan endik hna uluk takin an bei mek bawk a ni.
Chhungkaw zinga sorkar hnathawk awm, sorkar hnathawk lai, chhungkaw awmthei tak te, thi tawh hming leh hming awm nawnte chu NLUP dawng tur list atangin paih chhuah hna thawh mek a ni.
