Vawiin chawhma dar 10 khan NLUP Conference Hall-ah Pu P.L. Thanga, Vice Chairman, NLUP Implementing Board (NIB) hovin, NLUP Beneficiaries vawk vulh thlangtute vulh tur vawkte sem dan tur rel a ni.
Meeting chuan Mizoram chhunga khaw hrang hrangah AH & Vety Department ten vawkte awmzat an hriat theih chin chuan tuna vawk vulh thlangtute mamawh engemaw zatin a la tlin loh avangin ram pawn lam atangin lakluh mai a chi em ? tih an ngaihtuah.
Pigfed, Mizoram aiawhte pawh he meeting-ah hian sawmin an hnuai a din society 143 te hnen atangin NLUP a mamawh vawkte hmuh theih a beisei awm dawn em ? tih lo ngaihven turin ngen an ni bawk. Society hmun hrang hranga mite hamthatna tur bakah NLUP vawk vulh turte tan pawh mamawh phuhruk anih theih nan tan ho an rel.
Tun tum NLUP sum sem hmasaka vawk vulh tute vawk no nei engemaw zat pawh, sem leh tura rin nghal nise, vawk note nei sate chu an vawk mamawh bak hralh phalsak bakah NLUP vawk lei belhna tur sum chu vawk vulh na a tangkai tur thil dangah hman phalsak nise, tih an rel bawk.
Meeting ah hian AH & Vety aiawh, Pigfed aiawh leh NIB Officials te an tel a ni.
