Kum 2018 Krismas leh Kumthar 2019 mitin in dam leh hlimtlang taka kan hman theih nan Aizawl khawpui chhung remchang hmun hrang hrangah Aizawl Traffic Police ten traffic dan bawhchhia, a bikin Zu leh ruihtheih thildang rui chunga lirthei khalh, zial zu chung leh mobile phone hmang chunga lirthei khalh, phur rit lutuk (over loading), lirthei chak lutuka khalh, Double Overtaking etc. leh Vehicle Document fel leh felloh te check/enfiah runpui ‘No Tolerance Drive/Checking’ chu ni 10.12.2018 (Thawhtanni) atangin a kalpui tan a ni.

He ‘No Tolerance Drive/Checking’ chhung hian a bik takin Zu leh ruihtheih thil dang rui chunga lirthei khalh man te chu an Driving Licence suspend/ cancel turin DTO hnenah thawn zel a ni bawk ang. Hemi chhunga dan bawhchhia man reng reng te chu in ngaihnathiamna a awm dawn lo a ni tih mipuite kan in hriattir lawk a ni e.