March 4-10 chhung hian State Training Centre, Tanhril-ah N.E Mini Jamboree vawi 6-na chu neih a ni dawn a. Hmarchhak state hrang hrang atangin Scouts & Guides 500 vel he Jamboree ah hian tel thei tura beisei a ni. Heta tel te hian thiam thil chi hrang hrang, hnam zai leh lam, lemchan, infiamna leh thil dangah te inelna an nei dawn a. Hnam hrang hrangte inpumkhatna lam hawi infiamna te neih a ni bawk ang. N.E Jamboree hi March ni 5 ah Sports & Youth Services Minister Pu Zodintluanga’n a hawng ang a, ni 9 ah Governor in a khar thung dawn a ni.