4739/2024-2025

Aizawl, the 21st March, 2025: March ni 17 -20, 2025 chhunga Sikkim khawpui Gangtok-a North East Youth Festival 2025 neih zawh takah Mizoram team chuan category paliah lawmman lain lawmman la tam ber dawttu an ni.

North East Youth Festival-ah hian inelna chi hrang hrang- Quiz, Folk dance, Folk song, One act play, Rock band, Guitar solo, Martial Arts (Non competitive) leh Adventure programme (Non competitive) te neih a ni a. Mizoram aiawh hian mi 120 telin, Sports & Youth Services Department hotute’n an kaihruai a ni. 

Mizoramin lawmman a laknate:

1. Rock Band-ah Meisavaih East Branch MTP in lawmman pakhatna.

2. One Act Play-ah MZU Mizo Department-in lawmman pakhatna.

3. Folk Dance-ah Sub-Hqrs.YMA Serchhipin Cheraw hmangin lawmman pathumna.

4. Stall (ei leh in) ah NYKS in lawmman pathumna.

Mizoram aiawh kalte chu hengte hi an ni: 

1. MZU zirlai

2. Sub- Hqrs. YMA, Serchhip

3. MTP Meisavaih East Branch

4. Agape Academy, Champhai Kahrawt

5. All Mizoram Karate Association 

6. College leh HSS hrang hrang atangin NSS

7. District hrang hrang atangin NYKS