Vawiin khan ‘Zaua Sailo Memorial North East Shooting Championship 2013’ Organising Committee chu an Chairman Parliamentary Secretary Pu S.Laldingliana hovin a office chamber-ah an thukhawm.

Pu S. Laldingliana chuan Mizoramin hmarchhak biala a vawi khatna thil bakah International Standard mila silai inkahsiak a buatsaih thei tur chu a lawmawm hle a ni, a ti a. Mizo thalaite zingah talent tha tak tak neite chharchhuahna leh state dang infiammite nen pawha inunauna atan hmanraw tha tak a nih ngei a beisei thu a sawi a ni.

Zaua Sailo Memorial North East Shooting Championship 2013 hi nakkum January thlaa Mizoram Rifle Association hmalaknain neih a ni dawn a, he inelna hi Pu Lalthan Zaua Sailo (L) s/o Pu Lal Thanhawla, Zarkawt hriatrengna tura tih a ni. National Federation phalna pawh neih vek tawh a ni a, Air Rifle/Air Pistol leh Fire-arm te huam telin rualbanlote tan ‘Disabled Category’ leh chanchinthar lakhawmtute tan pawh ‘North East Journalist Category’ ruahman tum a ni.

Mizoram Rifle Association hi kum 2006-ah din tan niin tunah hian District 7-ah Association changtung tak din a ni tawh bakah National Level Shooter 10 lai an nei tawh a ni.