3242/2023-2024
Aizawl, 5.1.2024: FCS&CA Department chuan a hnuai ami ang hian NER Card chungchang ah mipui hriattirna a chhuah:
Food, Civil Supplies & Consumer Affairs Department hnuaia ration buhfal hi mi harsa zualte ei leh bara chhawmdawlna tur a ni a. Kan state thenawn: Tripura, Arunachal Pradesh, Assam leh hmun dangahte chuan Central Sarkar atanga a thlawna buhfai state-ten an dawn bak hi chu an sem meuh lo a. Mizoramah chuan mipui harsatna hrethiamin sorkarin ama sensovin ration card vär hmangin mipui nawlpui hnenah retailer kal tlangin buhfai man ttawm zawka leina remchang a siam thin a ni.
Hun lo inher zelah ration card var hmang chhungkaw tam takin ration buhfai an la lo nachungin ration card neih an duh a. Chu chu sorkarin lo ngai pawimawhin leh mi tam takin an ration card neih mek chu sorkara surrender an duh tih hriain ration buhfai lakna tur ni lo, chhungkaw member tihchianna atana document pawimawh tak ni si Not Entitled for Ration (NER) Card chu kum 2019 atang khan sorkarin a siam chhuak ta a ni.
Ration card hi thil pawimawh hrang hrang tih nana document pawimawh a nih avangin hman țulna a awm thin a. Hetiang mite tan liau liau hian sorkarin a kalpui mêk sa, mahni ration card hman lai ration buhtai lakna tur ni lo, "Not Entitled for Ration" (NER) card-a thlak duhte tan Food, Civil Supplies & consumer Affairs Department official website https://fcsca.mizoram.gov.in/
