Vawiin khan Govt Central Higher Secondary School, Helen Lowry Higher Secondary School, KM Higher Secondary School, Republic Higher Secondary School, Mamawii Higher Secondary School leh Bawngkawn Middle School-II ah te National School Safety Programme (NSSP) training neih a ni.

Govt Central Higher Secondary School a ni hnih chhung awh tur NSSP training hi SDO (Sadar) Pu Rothuama’n a hawng a, an school Principal Pi C Vanlalchhanhimi’n hawnna inkhawm hi a kaihruai a. Training-ah hian school thlan bika zirtirtu hrang hrang te leh Local Council Chairman te an tel a ni.

November ni 15 leh 16 ah te khan NSSP training hi Darlawn, Saitual leh Aibawkah te neih a ni tawh a. Aizawl leh Serchhip District a school thlan bik 400-ah he training programme hi kalpui a ni anga, Aizawl District bikah chuan school 250 atanga zirtirtu thlan bik te leh Local Council thlan bik 650 te training pek an ni.