Vawiin khan ‘Nungchate Chanchin Vol. 1’ Pu K.Lalmuansanga, ASEP President ziak chu Pu H.Rohluna, E & F Minister chuan a office chamber-ah a tlangzarh. He tlangzarh inkhawm hi Pu Hmingthansanga, Vice President, ASEP chuan kaihruaiin, E & F Minister chuan, “Mizo tawnga a bua chhiar tur kan la neih ngai loh nungchate chanchin leh an nungchang ngaihnawm tak tak ziahna kan lo nei ta hi thil lawmawm tak a ni a. Kan ramchhung amite ngei zirchiang a, chipchiar zawka an chanchin ziah theih ngei chu kan hmachhawp pawimawh tak a ni,” a ti.

He lehkhabu buatsaih tu Pu K.Lalmuansanga chuan nungcha hlu tak takte hi a taka humhalh tur chuan an nungchang leh an mizia ropui ziate hi a taka kan zirchianna kan hriat a tul vanga buatsaih a nih thu a sawi bawk.

He inkhawm tawi te ah hian Forest Officer thenkhat leh ASEP member te an tel a ni.