Vawiin ni 17/2/2009 hian Tourist Lodge, Chaltlang ah, Trained Nurse Association of India, Mizoram State Branch chuan Biennial Conference an hmang. Conference hian thupuiah Change in nursing tih an hmang a. Pu S.Laldingliana, Parliamentary Secretary, Health chuan khuallian niin a hmanpui a ni.
Khuallian hian Hnathawh that avanga India President in chawimawina a pek, Forence Nightingale National Award a pek te Pi C.Romawii, Nursing Superintendent, Bethesda leh Pi K.Lianchhing, Sister(Rtd) Lawngtlai te hnen ah TNAI in lawmpuina Certificate an pek chu a hlan ani. Khuallian chuan thusawiin tunhnai mai ah a bialchhung a fan thu sawiin, hnathawh tur leh hmalakna tur a tam thu sawiin, Nursing hotu te’n thupui atana an thlan Change in Nursing chu tha a tih thu sawiin, change nei tur chuan thawktu te inlungrualna a pawimawh a, kan hnathawhna hmun theuh a Rinawmna leh dikna nen Pathian rawngbawl chunga mipui rawngbawl tur kan ni tih inhrereng a hna kan thawh a pawimawh thu a sawiin Medical lam ah ngat phei chuan inthlahdah thian anih loh thu leh intuai thar reng leh englai pawh a tan mar pat reng a ngaih thu a sawi bawk. Tin, kan hnathawh dan kalphung pawh engemaw chen chu siam that a ngaih thu a sawi tel bawk. Kan Chief Minister ngei pawhin mipuite hriselna pawimawh zia a hriat thu leh a ngaihpawimawh zia sawiin tuna harsatna hrang hrang awm te vawi lehkhat ah sutkian nghal duak theih ni lo mahse, an thlen chin chin ah theih tawp a hmalak an tum thu a sawi bawk a ni.
Pi Rothangpuii, President, TNAI chuan presidential address pe in Pi Lalbiaksangi, Secretary, TNAI in report ngaihnawm tak a pe bawk, Pi Ramfangzauvi, Vice President, TNAI in Thupui sawi zauna a neiin Sawrkar thar chak tak hian Nusing Directorate siam sak ve ngei se an duh thu a sawi lang bawk. Member mi 10 zet chatuan ram pan ta te sunna hun urhsun taka neih ani bawk a. Pi V.Zochamin lawmthusawina hun neiin hun hmasa lam chu tin ani a, chawhnu lamah mithiam tak tak te paper present zirhona neih anih bakah naktuk ni 18.2.2009 hian hruaitu thar tur thlanna an nei dawn ani.
Trained Nurse Association of India, Mizoram State Branch ah hian Nurse zirzo tawh mi sang chuan zet an telin Association hian tanpui ngaite pawh mi engemaw zat hnenah tanpuina te an lo sem tawh thin ani. Tun dinhmun ah Mizoram chhungah hian Nursing Institution 7 kan nei mek a, College 2 leh Nursing School 5 a awm mekin zirlai mi 600 vel zet an awm mek ani. Ramdanga hnathawk mi 4 an awm mek bawk.
Pi Rothangpuii, President, TNAI chuan presidential address pe in Pi Lalbiaksangi, Secretary, TNAI in report ngaihnawm tak a pe bawk, Pi Ramfangzauvi, Vice President, TNAI in Thupui sawi zauna a neiin Sawrkar thar chak tak hian Nusing Directorate siam sak ve ngei se an duh thu a sawi lang bawk. Member mi 10 zet chatuan ram pan ta te sunna hun urhsun taka neih ani bawk a. Pi V.Zochamin lawmthusawina hun neiin hun hmasa lam chu tin ani a, chawhnu lamah mithiam tak tak te paper present zirhona neih anih bakah naktuk ni 18.2.2009 hian hruaitu thar tur thlanna an nei dawn ani.
Trained Nurse Association of India, Mizoram State Branch ah hian Nurse zirzo tawh mi sang chuan zet an telin Association hian tanpui ngaite pawh mi engemaw zat hnenah tanpuina te an lo sem tawh thin ani. Tun dinhmun ah Mizoram chhungah hian Nursing Institution 7 kan nei mek a, College 2 leh Nursing School 5 a awm mekin zirlai mi 600 vel zet an awm mek ani. Ramdanga hnathawk mi 4 an awm mek bawk.
