Kar kalta Inrinni (ni 25.2.2012) khan IIDC, Pukpui Lunglei ah Ministry of Sports & Youth Affairs bul tum in Nehru Yuva Kendra Sanganathan (NYK) member te tan a buatsaih National Integration Camp (NIC) chu hawn a ni. NIC hi NYK Lungleiin a huaihawt in, Camping hawnna inkhawm ah hian Pu Malsawmsanga, DIPRO, Lunglei chu khuallian ni in Colonel Mahavir, 2nd-in - Command, Assam Rifles Lunglei chu khual zahawm a ni.

Khuallian chuan India ram ropui tak chu hnam hrang hrang leh sakhaw hrang hrang betute huang khat a lawi khawmna a nih thu a sawi a. Inpumkhatna leh in unauna tha tak neih hi India in a a ngaih pawimawh ber a ni a ti. NIC hian hmarchhak a hnam hrang hrang cheng te tan in unauna tha zawk a thlen theih a beisei thu leh India khua leh tui kan nihna chu thil dang zawng zawng aia kan dah hmasak fo a tul thu a sawi.

Khual zahawm Col.Mahavir pawh in NIC a pawimawh thu sawiin hnam hrang hrang te kan in zah tawn a, tun aia kan in hriat chian zawk chuan remna leh muanna a awm thei dawn ani a ti.

NIC Inaugural Programme hi Pu H.Lalramngheta’n kaihruaiin Cultural show Meghalaya leh Nagaland atang tel ten entir in - District Drug Controller Lunglei leh Pi Mercy Sellate, Youth Co-Ordinator, NYK Lunglei ten thu an sawi bawk. Nation Integration Camp hi February 24 - March 1 thleng hman tum a ni a, hemi chhung hian Nagaland, Arunachal, Meghalaya, Assam, Manipur leh Mizoram atanga NYK member ten mithiam te hnen atangin zirtirna an dawn bak ah inkawmna leh inhriat chianna hun an hmang ang.