N.Y.K. din champha (Foundation Day) lawmna ni pah fawmin vawiin chawhnu dar 1 : 30 khan I&PR Conference Hall, Saiha-ah Nehru Yuva Kendra (NYK) Saiha District te chuan Saiha District Youth Club Member pahnih hnenah “District Youth Award “ an hlan. He N.Y.K. Foundation Day ah hian Pu N.Chakhai, Additional Deputy Commissioner & Project Director, DRDA, Saiha District chu khuallian a ni.

He NYK Foundation Day lawmna inkhawm hi Pu CZ Hluna, President, M.J.A. Saiha District chuan a kaihruaia, Pu T.Hrevung, Accountant, NYK, Saiha chuan Foundation Day sawi hawnna leh kalkhawmte chawng lawmna thu sawiin NYK chu Kum 1972 kum a din tan anih thu a sawi a, khuallian Pu N.Chakhai chuan thu sawiin khawtlang leh kan ram tana thiltha pakhat tal tih tum turin kalkhawmte chu achah a, NYK chu India rama tlawmngai pawl lian tak thalaite ram tana tangkai tura chhertu independent a din anih thu sawiin tlawmngai pawl hrang hrang te awm mahse NYK anga hnathawk tha hi an awm zen zen lo ani ati bawk. NYK thiltum hrang hrang te hi a pawimawh a hmasawn nan a tangkai em em ani ati a. Thing leh Mau leh Nungchate humhalh kawngah theih tawpa hma la theuh turin kalkhawmte chu a chah bawk ani. NYK Award lawmman dawng tute chu a lawmpui thu sawiin he lawmman hi dawng thei tura tan la theuh turin kalkhawm te chu a chah ani. Khuallian chuan NYK “District Youth Award” chu sem zui nghal in heng lawmman te hi Nl S.Manuni D/o S. Siko leh NT John S/o N.Beihmo hnenah Certificate leh tangkafai Rs . 5,000/- ve ve a hlan nghal a ni.

He NYK Foundation Day ah hian Saiha khawpui chhunga NYK Member thahnem tak an kalkhawm a, F.Lalronguri NYC/NYK Saiha chuan lawmthu sawina a neih hnu ah he Foundation Day hi khar a ni.