Vawiin ni 31 May, 2013 hian Observation World No Tobacco Day 2013 chu Govt Higher Secondary School, Mamit-ah urhsun taka hman niin Pu R.S Lalzamliana Addl DC, Mamit in a hmanpui.
World No Tobacco Day puala inkhawm Pu Hmingchungnunga Member ATS Mamit District kaihhruaiah thusawiin Pu R.S Lalzamliana Addl DC chuan Zuk leh hmuam leh Ruihhlo hian mizo te min run nasa em em a, hei hi kan hmasawnna min daltu lian tak a ni, Vaihlo zuk emaw a hmuam chi engpawh nise engmah hi kan taksa tana tha a awmlova chumai bakah sum leh pai tul lova kan insen phah teuh teuh na a ni tiin chung ang laka fihlim tur chuan zirlai te ka sawm che u a ni, a ti a, vaihlo leh a kaihhnawih that loh zia mipuite hnena hriattir hi nasa zawka kan neih a tul tak zet tawh a, zuk leh hmuam hi tun aia hma hian lo do tawh ni ila chuan tun ai hian mizo te hian hma kan sawn arin thusawiin khuahkhirhna dan pawh siam a ni a, heihi mipuite pawhin a theih ang anga kan zawm a tul tak zet tawh a ni, a ti bawk.
Dr H.B James SMO, Mamit pawhin Zuk leh hmuam hi mizo ten kan ti nasa hle a, natna hrang hrang Cancer leh a dangte vei kan tam phah em em a ni tiin vaihlo leh a kaih hnawihin mihring hriselna a tihchhiat theih dan kawng hrang hrang a lem nen entirna a nei bawk a ni.
Pu Lalmuanzova Pachuau Teacher GHSS in World No Tobbacco Day 2013 puala State Nodal Officer, Mizoram State Tobacco Control Society thuchah chhiar chhuahna a nei bawk.
