Vawiin tlai dar 4:00 khan Aizawl DEO Pi Juhi Mukherjee Office Chamber ah General Observer Dr Rakesh Gupta leh DEO hovin District Level Standing Committee an thukhawm a, MP(Lok Sabha) inthlanna tura inpuahchah dan hrang hrang te sawiin inthlanna thianghlim, felfai leh tluang taka neih a nih theih nana hmalak zel dan tur te an sawiho.

DEO Pi Juhi Mukherjee chuan inthlanna atana mawhphurtu te inpuahchah dan te a sawifiah a, EVM First Level Checking neih zawh a nih thu te, VVPAT pawh Engineer ten an endik mek thu leh Vote thlakna tur hre lo tan EVM Ballot Unit ah “None of the Above” (NOTA) hmehna dah a nih tur thu te a tarlang. VVPAT hi Aizawl khawpui chhung polling station 204 ah leh Saitual khawchhung polling station 5 ah hman tura ruahman chhin niin ECI remtihna nghah mek a nih thu a sawi bawk. Tun tum inthlanna ah hianAizawl DEO,DCni bawk chu Returning Officer a ni a, District dang 7-a DEO.DC leh Aizawl-a Addl.DC pahnih te chu Asst.R.O. an ni.   

ECI-in Candidate te pawisa hman dan vil tur instruction a siam angin Aizawl District chhungah Flying Squad Team 2, Static Surveillance Team 2, Video Surveillance Team 2, Video Viewing Team 1 leh Accounting Team 1 din a ni a, ECI thu anga tlema tidanglamin Assembly Constituency 1 tan Team khat theuh din tum a ni. Tun tum MP inthlanna Candidate te sum hman theih zat chu Rs 70,00,000 /- (Nuai 70) a ni. Aizawl District chhunga Assembly Constituency 14 ah Polling Station 323 a awm a, vote awm zawng zawng zat chu mipa 125266, hmeichhia 136195, a zavaiin 261461 a awm a ni.

Polling Party te Despatch Centre atan Govt.H.S.S. Field ruahman a ni a, Strong Room leh Counting Hall atan Assembly Secretariat Annexe hman tum a ni. Inthlannaa duty tur sorkar hnathawk leh private te ten vote an thlak theih nan Election Duty Certificate pek chhuah tur a ni a, DC office ah EDC buaipuina hmunsiama ni.

 Inthlan chungchanga hriat duh nei emaw, Candidate te sum hman dan chungchanga complaint . Model Code of Conduct kaihnawih complaint nei tan DC Office ah Control Roomsiama ni a, Telephone number 2317440 (Toll Free) ah biak theih a ni a, heng official te hnenah hian thlen theih a ni bawk :-

1

P.C.Zonuntluangi   

SDC 

8974214794

2

Zothansanga Hmar   

Dist. Project Coordinator, DM&R

9856910470

 3

B.Lalzarliani       

UDC, DC Office           

9436191874

 4

Zairemthangi

LDC, DC Office           

9612171609

 5

Sainunpari 

LDC, DC Office           

9856602981

DEO chuan inthlan puan a nih atanga Model Code of Conduct hman a nih thu sawiin MCC bawhchhiatna awm apiang chu mawhphurtu te hnenah thlen zel turin kalkhawmte chu a chah a, tlawmngai pawl aiawh kal te hnenah MCC kenkawh kawnga hma an lo lak tawh thin anga theihtawp chhuaha thawhpuiah a sawm a, chanchin thar thehdarh tu media te chu political party hmanruaa tang lova, tan lam nei lova dik taka thu ziak thin turin a chah bawk.

DLSC neih zawh hian General Observer Dr Rakesh Gupta, IAS chuan sorkar department hrang hrang aiawh te a kawm zui a, inthlanna inpuahchah dan leh an mawhphurhna zawna hma an lak dan te chipchiar takin a sawipui a, ECI duh dan anga inthlanna tluang tak leh felfai tak a awm theih nan an mawhphurhna te hlen tura theihtawp chhuah theuh turin a chah bawk a ni.