Vawiin khan Lawngtlai DC Conference Hall-ah District Bawrhsap Dr A. Muthamma IAS kaihhruaiin Lawngtlai District chu zun leh ek thlahdah awm lohna (open defecation free) district-a puang thei tura hma lak dan tur leh thil pawimawhte inhrilh hriatna hun hman a ni.
He hunah hian Lawngtlai khawpui chhunga zirna in hrang hranga hotu lute, VC zawng zawngte leh self help group ai awhte koh khawm an ni a. ODF-a Lawngtlai District puan tum a nih chungchangah, a kalphung leh ODF ni tura thil tul te zir ho niin, hma lak dan tur hrang hrangte ruahman a, sawi ho a ni bawk.
