3275/2023-2024

Aizawl 8th January, 2023 : Vawiin khan Pu B. Lalchhanzova, Minister, FCS & CA Department hovin a Office Chamber MINECO-ah Mizorama Railfed emaw Roadfed Oil Depot siam a nih theih dan tur chungchang ngaihtuaha thutkhawm a ni.

Meeting-ah hian Mizoram-a Petroleum products a harsatna a awm loh nan leh a tam thei ang ber stock kan neih theih nan Indian Oil Corporation Ltd. (IOC) te a remchan dan zawnga Oil Depot siam dan tur Minister leh officials te hian an sawipui a. IOC aiawhte hian Mizoram chu tlangram a nih avangin Railfed Oil Depot siam chu harsatna hrang hrang avangin a theih loh hmel thu sawiin amaherawhchu Roadfed Oil Depot chu Ram acre 15 - 20 a zau a awm theih chuan siam ngei an duh thu an sawi a ni.

Meeting-ah hian Roadfed Oil Depot hi nakin hun lo kal zelah remchang zawngin Railfed Oil Depot a siam leh tura hmalak theih a nih nan hmun zawn a that thu sawi ho a ni a. Mizoram tana Storage Oil Depot siam tum hi Ni 30 vel daih tura siam tum a ni bawk.

Vawiin thutkhawmah hian Pu K.T.Beicho, Pr. Secretary, FCS & CA, Pu Zarzosanga, Commissioner & Secretary, LR&S, Pi Zodingpuii, Director, FCS & CA, Pu Vanlalthiama, Director, LR&S, India Oil Corporation aiawh atangin Nitin Bhatnagar, CGM (Operations), IOAOD SO, Guwahati leh D.K. Pathak, DGM (Operations), IOAOD SO, Guwahati te bakah Officials dangte an tel a ni.