Ruahtui tam avanga leimin in Lumding leh Badarpur inkar rel kawng a ti chhia a. Chuvang chuan June, 15 atang khan Mizoram-ah Oil leh buhfai alo thleng thei ta lova. Oil hi chu Gauhati atangin phurhtir a ni a, mahse pawl hrang hrangin kalkawng danga bandh an lo siam avangin duh angin alo thleng chak thei lova. Buhfai phei chu alo thleng thei lo reng reng a ni.
Rel kawng hi June, 29/30 ah siam that theih an beisei na in an siam tha thei ta si lova.

Heng avang hian Mizoram ah Petrol leh Diesel-ah harsatna a awm ta a ni. Buhfai chu Mizoramah kan lo neih sa nual avangin harsatna ala awm lova, mahse rel kawng hi siam that thuai anih loh chuan buhfai ah pawh harsatna a thleng thuai thei a ni, tih Food Civil Supplies & Consumer Affairs chuan mipuite a hriattir a ni.