Vawiin chawhma dar 11:00 khan Mizoram Oil Palm Advisory Committee chu an Chairman Pu, H.Liansailova, Agriculture Minister hovin an thu khawm a, Mizoram a Oil Palm chin kalpui mek thlir letna leh ruahmanna kal mek kalpui dan te thlirhoin kum thar lo awm tura Oil Palm chin kalpui dan tur te an sawiho bawk.
He Committee ah hian Dr.C.Lalzarliana, Director of Agriculture (CH), member secretary chuan Oil Palm a hmalakna kawng hrang hrangte Power Point hmangin a entir a. Kumin kum kal mek ah Oil Palm 292677 lai phun thar anih thu leh a hma a lo phun tawh te nen Mizoramah Oil Palm kung 1399744 a awm tawh thu a sawi. Oil Palm rah (FFB) pawh Oil Palm chingtuten company ah an hralh nghal zel a, Kg 1 Rs.4.75 in quintal 230 lai an hralh tawh ani.
He Advisory Committee ah hian Oil Palm kara thlai chin pawlh tur te thlan fel ani a, kum 2012-2013 leh kum 2013-2014 target te pawh siam nghal ani.
He Committee a tel MLA pahnih PuHmingdailova Khiangte leh Pu K.Lalrinthanga te chuan India Today in Mizoram chu Agriculture lama State hmasawn ber te zinga a thlang leh lawmman a pek chungchangah an lawmpuizia Agriculture Minister leh a thawhpuite an hrilh.
