Mizoram Governor Lt.Gen (Rtd) M.M. Lakhera, PVSM, AVSM, VSM chuan tukin zing dar 6.30 khan AR lammual ah Mizoram Olympic Association buatsaih Olympic Day Run a vailiam. He Run ah hian Sports Association 19 atangin infiammi 1695 te an tel a,  Govt.Higher Secondary School field,Mc Donald Hill thleng an tlan a. Hetah hian Pu Zodintluanga, Sports & Youth Services Minister leh Senior Vice President, Mizoram Olympic Association nibawk chuan lawmman semna hun a hmang.

Governor chuan infiamna hian unauna leh in thian thatna te a siam a, Mizo thalai ten thiamna tha tak an neih hi infiamna lamah te an phochhuak thei ani a ti.

Pu Zodintluanga chuan sports hian infiamna piah lamah khawtlang nun siam that a tum a, kan thil tih reng reng hi tih tak takna thinlung nena kan tih a tul tawh a, kan discipline theuhva tun ai tan kan lak  chuan khawvel  hriat kan ni leh zual ang a ti.

Minister hian 16th Asian Games Youth Across Asia Essay & Art Competition, May 22, 2010 nei a titha te hnenah lawmman a sem bakah, vawiin a sports association hrang hrang atanga member kal tha te hnenah lawmman a sem bawk. Sports Association kal tam te chu

1.Mizoram Amateur Taekwonda Association - 335 members
2.Mizoram Judo Association - 302 members
3.Mizoram Athletics Association - 117 members

International Olympic Committee hi 23rd June 1894 khan din a ni a, he ni hriatreng nan 1987 atang khan khawvel pumah Olympic Day run hi neih thin a ni a, Mizoram ah chuan 2006 atang khan neih tan a ni.