Mizoram Olympic Association chuan kum danga a lo tih thin tawh angin June ni 23 hian Olympic Day Run a buatsaih dawn.
International Olympic Committee din champhaphak June ni 23 hi khawvel pumpuiah hman a ni dawn a. Mizoram Olympic Association pawhin a lawmna chikhat atan June 23, 2011 zing dar 6:30 hian "Olympic Day Run" a buatsaih dawn a. Aizawl khawpui chhung hmun hrang hrang, Bawngkawn, Vaivakawn leh Sikulpuikawn atanga tlan tanin Lammual pan khawm a ni ang. Lammualah hian inkhawm tawite buatsaih a ni anga, Mizoram Olympic Association Senior Vice President Pu Zodintluanga chu Chairman niin Mizoram Chief Minister Pu Lal Thanhawla, Mizoram Olympic Association President chu khuallian a ni ang.
He ta tel tur hian Sports Association hrang hrangte sawm an ni a. Sports Association hrang hrangte hnenah member kal tam dan a zirin hetiang hian lawmman siam a ni:
01 - 50 = Rs. 1000
51 - 100 = Rs. 3000
101 - a chunglam = Rs. 5000
A pumpui a member kal tam ber hnenah Rs 6000 pek a ni ang.
Participants te hi Bawngkawnah Mizoram Olympic Association Executive Member Pu Hmingdailova Khiangte in a vailiam anga, Vaivakawnah Mizoram Olympic Association Vice President Pi Zothankimi'n a vailiam anga, Sikulpuikawnah Mizoram Olympic Association Vice President Pu J. Lalhmachhuana'n a vailiam ang.
