2039/2025-2026

24th October, 2025 : Ombudsman (Independent Local Body) hi mipui ten khawtlang roreltute - Village Council leh Local Council (VC/LC) te rorel dan leh kalphung leh an hmalak dana sawiselna/lungawilohna te thlena an zualko theihna turin Mizoram sawrkarin Act & Rules mumal tak siamin a din a ni a. Chuvangin Ombudsman hi mipuiten tangkai zawka kan hman theih nan a hnuaia mi ang hian lungawilohna (Complaint) thlen theih a ni :- 

  1. Ombudsman hnena complaint a theh luh hma in civic authority (Municipal Council/ Local Council/ Village Council) hnenah lungawilohna thu a thlen hmasa phawt tur a ni.
  2. Khua leh tui leh mi tupawhin Local Body (VC / LC) hnena lungawi lohna thu a theh luh atanga thia khat ral hnuah, complaint thehluh a ni ngei chung pawha chhanna hmuh a nih loh emaw chhan leh vang mumal awm lova an lo pawm lo a nihin emaw, Local Body (VC / LC) te chhanna-ah a lungawi tawk lo anih chuan Ombudsman hnenah complaint a theh lut thei ang.
  3. Mi tu pawh Local Body (VC / LC) lakah lungawi lohna (Complaint) a neih chuan, amahin emaw a aiawh zo ngei tura a ruat hmangin ziakin Ombudsman hnenah complaint a theh lut thei ang.
  4. Complainant emaw a aiawh in emaw complaint chu Ombudsman hnena a theh luhin, a hming, Address leh Local Body office hming leh hnathawktu thawhna Local body (VC / LC) te, a complaint na chhan te chiang taka ziakin, lehkha tan chhan a neih ang ang te thil tel bawk tur a ni.

Issued by The Office of Ombudsman (Independent Local Body), State of Mizoram,
Aizawl. UD&PA Sanitation Office Building (1st Floor) Sikulpuikawn, Aizawl
Contact - 9436146931/9612789713