Vawiin chawhma khan Lunglei Forest Division buatsaihin Convention Centre Hall, Lunglei ah One Day Distict Level Awareness/ Sensitization Programme On Climate Change zirhona hun hman ani.

Climate change zirhona hun hi Pu Benjamin Lalzama, Addl. DC, Lunglei in kaihruaiin thuhma sawiin Sik leh Sa danglam ta lutuk vang hian mihring tan khawvel a chen hi a hreawm tul tul tawhin boruak hip te hi a thianghlim tawh lova, ruahsur in hunbi mumal a nei tawh lovin heng zawng zawng hi mihring in a kan siam chawp ani ati a. Sik leh Sa danglam lutuk leh  tur vennan leh tuihna tihpun nan thingphun uar tur in kalkhawm te a chah ani.

Dr.C. Vidhyasagar, IFS, DFO, Lunglei pawhin thusawiin mihringin a kan siam chawp Industry, Factory, Motor te atang hian mei khu tam tak tihchhuah anih avangin sik leh sa a ti danglam chak em em, hemi vendan leh tihtlem dan ngaihtuah a ngaih thu a sawi.

Pu James Lalnunzira Hrahsel, Project Scientist, Mizoram Science & Technology Innovation Council in khawvel sik leh sa danglam dan leh Pu Lalthanpuia, Project Scientist, Mizoram Science & Technology Innovation Council in Mizoram sik leh sa danglam dan leh a ven dan power point presentation hmanga zirhona neih ani. Zawhna leh chhanna hun hman ani bawk.