4689/2025-2026

Aizawl the 3rd March, 2026 : Vawiin khan Taxation Department chuan CGST Aizawl Commissionerate nen a tangkawpin, Taxation Auditorium ah “One day training programme of DDO on TDS matter” an hmang a. He training-ah hian Pu HK Lalhawngliana, Commissioner of State Tax leh Pu Malsawmtluanga IRS, Jt. Commissioner, CGST Aizawl, ten thu an sawi a. Vawiin programme hi sorkar sum luangral tur venna atana pawimawh leh tangkai tak a nih thu leh DDO te pawh an theihtawpa sorkar tana thahnemngai taka lo thawk chhunzawm zel turin Pu HK Lalhawngliana, Commissioner of State Tax chuan DDO kalkhawmte a chah a. Pu Lalruatpuia, Dy. Commissioner of State Tax leh Pi Lalhriatpuii, Asst. Commissioner of State Tax ten training hi an pe a ni. DDO ten TDS chungchang a zawhna an neih hrang hrang te zawtin, hlawk takin hun an hmang. Training ah hian Department hrang hrang atangin DDO/representative 61 an tel a ni.