Vawiin khan Aizawl District Swachh Bharat Mission (Gramin) buatsaihin One Day Workshop on Solid Waste Management & Toilet Construction chu DRDA Conference Hall Aizawlah neih a ni.

He workshop hi Pu V. Lalengmawia, Project Director, DRDA chuan kaihruaiin Pu Kannan Gopinathan IAS, DC Aizawl chuan a hawng a. Er. Lalsanga, EE PHED chuan lawmthu sawiin Technical Session a kaihruai zui nghal a. Power Point Presentation leh lecture te Er. Lalrothanga, Director, CCDU, Er. Helen Rodingliani, EE PHE, Pu Lalmuanpuia, BDO Aibawk Block leh Er. Lalpektluanga, SDO, PHED te hnen atangin ngaihthlak a ni. Er. C. Lallunghnema, SE, PHED chuan Workshop kharna hun a hmang bawk. Chawhnu lamah Field Visit neiin Aibawka PHED in Bawlhhlawh Senghawina Semi-aerobic Sanitary Landfill an siam chu a hmunah an enho zui a ni.

He Workshop hi Aizawl District chhunga DRDA, BDO leh PHE Department-a Technical staff hrang hrang te, District Co-ordinator leh District thenkhata SBM Co-ordinator te tana buatsaih anih angin an tel tha hle a. He workshop in a turn ber chu PHE leh RD Departments hnuaia Bawlhlawh senghawina (Solid Waste Management) leh mimal Ekin sak te thiamna (technology) mumal zawk leh inang tlanga siam leh sak anih theih nan leh MGNREGS hnuaia hnathawhte nen convergence tha zawk a awm theih nan a ni. Hetiang workshop buatsaih hi Department te inkara thawhhona tha zawk a awm zel theih nan thil pawimawh leh tangkai tak a ni.