No.2963/2020-2020
Central Sawrkar in One Nation One Ration Card (National Portability) a kalpui mekah Mizoram-ah pawh hman ve tan nghal tur a chak taka hmalak mek a ni.
National Portability kalpui mek hnuaiah hian Mizoram chhung a NFSA beneficiaries te - AAY leh PHH te hi India ram puma Portability hmang thei tur an nih avangin ngaihpawimawh hmasak an ni ang. National Portability hlawhtling tak a kalpui anih theih nan hian Ration Card leh Aadhaar number thlunzawm ngei ngei a ngaih avangin Aadhaar number la neilo beneficiaries ten Aadhaar number neih vat leh Ration Card a thlunzawm hi an mawhphurhna a ni.
Tun dinhmunah hian India ram chhung a State/UT 20 (sawmhnih) velah he National Portability hi hman a ni tawh a, Mizoram chhunga NFSA hnuaia Ration Card (AAY & PHH) nei, an Ration Card leh Aadhaar Card te thlunzawm fel tawh te chuan he hamthatna kaltlang hian State dang te Portability hmang ve te hnenah, an ration quota an khul thei tawh a. Hetiang vek hian NFSA Ration Card nei State dang a mi te pawhin Mizoram chhung a Fair Price Shop internet signal nei tha (District tina Retailer thlanchhuah bik) te hnen atang in ration quota an la thei bawk a ni.
He National Portability kalpuina tura FPS internet signal nei tha bikte District tin atanga thlanchhuah turte hi concerned DCSO ten an tifel tep tawh a, thlan fel anih hunah mipuiah puanzar leh a ni ang.
National Portability 'One Nation One Ration Card" hi Aadhaar leh Ration Card thlunzawm tawh NFSA hnuaia Ration Card neiten ePos machine online-a hmanna Fair Price Shop ah he hamthatna hi an hmang thei a. Ration Card holder in a lakna Fair Price Shop leh hmun hran (Inter-State) a a quota a lakna turah pawh Online Shop kalpui ve tho FPS dealer te anih a ngai.
Mizoram chhunga Non-NFSA Ration Card holder te tan pawh, ram chhung khawi hmunah pawh Ration quota an lak theihna tur (Intra-State Portability), Mizoram chhung bik chauh atana inthlunzawmna hman theih tura kalpui anih dawn avangin Aadhaar leh Ration Card thlunzawm ngei ngei a ngai tho dawn bawk a ni. Amaherawhchu, tunlai hrileng avangin Aadhaar seeding leh tul dang Ration Card linking te ti tur hian mipuite himna ngaihtuah chungin FCS & CA Department chuan ruahmanna fel tak siamin a tul ang a inhriattir zel a ni ang.
He National Portability hmangtute chuan turn khatah an ration quota 50% an la thei a, hei hi thla chanve hma lam chhungin a ni a, hmun dang atanga an quota hi lak then a nih loh chuan thla chanve hnulamah an quota la awm te an la zo thei ang.
