No.1963/2020-2020

Dated Serchhip, the 12th June, 2020: Ministry of Women & Child Development hnuaia One Stop Centre Serchhip District, DC Office Serchhipa awm mek te chuan Covid 19 vanga Serchhip District chhunga Quarantine Centre a awm mek hmeichhia 214 te tan vawiin hian Sanitary Pad an sem.

Quarantine hun chhung hi a rei dawn avang in Quarantine Centre a awm hmeichhia ten an mamawh ngei tur anih avangin Sanitary Pads hi sem an ni a, thilpek hi Pi R. Lalmuankimi, Superintendent, DC Office Serchhip, Pi Lalchhanhimi, Centre Administrator OSC leh thawktu dang ten Serchhip khaw chhung Quarantine Centre hrang hrang ah kalin duty te hnen ah an hlan a, vawiin a hlan bak Serchhip khawchhung leh Thenzawla Quarantine Centre a mi te pawh a remchan dan in pek an ni ang.

One Stop Centre hi hmeichhia an nih avanga inchhungkhur leh hnathawhna hmuna tihduhdah leh harsatna tawk te (Domestic Violence) tana din a nih angin Covid-19 vanga lockdown kalpui mek karah pawh hmeichhia harsatna tawk an awm chuan englai pawh in OSC Serchhip District, D.C Office Serchhip ah emaw Mobile No : 8415049957 ah leh thawktute hnen ah thlen theih reng a ni.