Mizote zingah Professional Counselling leh Domestic Violence Act 2005 pawimawhzia inhrilhhriatna atna ‘OPERATION SUNSHINE’ tih hmingpua NGO lar tak Cod Nerc-in Mizoram sorkara Social Welfare Department puihnaa Visual Media Awareness Campaign an buatsaih chu vawiin khan Social Welfare Conference Hall-ah SWD Director Pu Vanneihchungnunga’n mipuite hmuh theih turin a tlangzarh.
Inchhungkhura hmeichhiate tawhrna thleng thin hian nasa takin a tuar tute tan harsatna a thlen thin a, hemi chungchanga hmeichhiate venhimna dan hi Domestic Violence Act 2005 hnuaiah rule siam a ni a. He hleilenna laka hmeichhiate humhimna dan hi zau zawk leh tangkai zawka kan hriat theih nan leh professional counselling hman tangkaina kawnga kan thanharh theih nan he Visual Media hi buatsaih a ni.
