2017/2022-2023
Dated Aizawl, the 22nd September, 2022: State Institute of Rural Development & Panchayati Raj (SIRD&PR), Mizoram buatsaihin “Orientation Training of Young Fellow and Officials of Model GP Clusters” SIRD&PR, Durtlang Leitanah vawiin ni 22 .9.2022 khan a hawnna neih a ni a, Pu K. Lalrinliana, LAD, etc. Minister chuan Khuallian niin he training hi a hawng a. Hemi rual hian LAD leh SIRD&PR, Mizoram Lehkhabu buatsaih “Seminar Papers - Mizoram tana Inrelbawlna Tha (Local Governance in Mizoram)” chu Khuallian hian a tlangzarh nghal a ni.

Training hawnna hun Pu Lalhmunsanga Hnamte, Director, SIRD&PR kaihhruaiah hian Pu K. Lalrinliana chuan “Seminar Papers - Mizoram tana Inrelbawlna Tha (Local Governance in Mizoram)” chu tangkai taka hman anih theih nan a tlangzarh a. Thusawiin, LAD Minister chuan Training pawimawh tak kan neih theih avang leh Lehkhabu pawimawh leh Mizoram Tualchhung Sorkar inrelbawlna kawnga tangkai tak tur kan buatsaih thei chu lawmawm a tih thu a sawi a. Tualchhung inrelbawlna tha kan neih theih nan helama thawktute leh mipuite kan tanho that a pawimawh a ni, a ti bawk.

Khuallian chuan Thingtlang hmasawnna tak tak awm tur chuan Tualchhung Sorkar – Village Council-te kan chher hriam a, hmasawn duhna thinlung kan neihtir a pawimawh a, chumi tur chuan vawiina lo kalkhawmte hi kan pawimawh hle a ni, a ti

a. Hnamdang Young Fellow-te pawhin nasa takin tualchhung Sorkar (VC)-ten hma an sawn theih nan \an an la a, a ram neitu zawkte pawh hian \an nasa taka kan lak a ngai a ni, a ti bawk.

LAD Minister chuan GPDP kan siamah pawh kan khuain hma a sawn a, a than a, mite pem khawmna tlaka siam tura \an kan lak a, kum lo la awm zel tur atan a ruahmanna tha leh mumal tak kan neih a pawimawh a ni, a ti a. Mizoram Village Council-ten hma an sawn a, tualchhung rorelna \ha a awm theih nan tuna kan dan hman mek The Lushai Hills District (Village Councils) Act, 1953 chu tun dinhmun nena inmil tawh lo tam tak a awm avangin The Mizoram (Village Councils) Bill, 2022 chu duan niin, Law & Judicial Department-ah an zirchian atan thehluh tawh a ni, a ti bawk. Khuallian chuan VC-te tichak a, hma an sawn theih nan hma la zel tura kalkhawmte chahin, Training hi a hawng a.

Training hawnna hunah hian Pi Rita Lalnunmawii Pachuau, Director, LAD; Lehkhabu (Seminar Papers) release taka ziaktu Prof. Vanlalchhawna, Deptt. of Economics, Mizoram University; Prof. Jangkhongam Doungel, Deptt. of Political Science & Director, IQAC, Mizoram University leh Pu K. Mahendar, SPC, Model G.P. Cluster, NIRD&PR-ten thu an sawi bawk.

Training hawnna hunah hian Pu Khawlsiamthanga Khawlhring, Associate Professor/Course Director chuan training neih dan tur tlangpui sawina neiin, Pu K. David Lalthanmawia, Faculty, SPRC in Lehkhabu release tur sawizauna neiin, Dr. Margaret Lalbiakthangi, Senior Core Faculty chuan lawmthu sawiin he training hawnna hi a khar a ni.

He training-ah hian Cluster enkawltu Faculty te, Young Fellow te ,BDO Office leh DLAO Office a\angtein mi 17 an kalkhawm a, SIRD&PR Faculty, LAD Officer leh SPC te’n zirtirna an pe dawn a ni.Young Fellow te hi Mizoram chhunga RD Block 5 thlanchhuah Bilkhawthlir, Lunglei, E. Lungdar, Tipa leh Ngopa-ah te awmchilhin, hna an thawk mek a ni.