Ni 3 chhung awh tur SSA hnuaia Resource Persons te tana buatsaih ‘Orientation Workshop for Resource Persons chu vawiin chawhma dar 10 khan Central YMA Committee Room-ah hawn a ni.
He Workshop hawnna hi Pu Zaithankima Miller, Dy. State Project Director, Mizoram SSA Mission in kaihruaiin Workshop chungchanga thil hriat tur tul pawimawh awmte sawifiahna leh sawi zauna hun a hmang. Workshop hawngtu Pu V.Lalsiamthara, Addl. State Project Director, Mizoram SSA Mission chuan thusawiin Right to Education Act hman tan a lo nih khan naupangten zirna atana an chanvo dik tak an hmuh theih nan, hma nasa takin lak chhoh a ni a, chumi tihhlawhtlinna tur pakhat atan Block Resource Centre hi nasa zawk a tihchangtlun chhoh mek a ni, a ti. Resource Person te chu an hnathawhna-ah mittlung taka an thawh thin avangin lawmawm a tih thu leh taima tak leh rinawm taka an hnathawh chhunzawm zel turin a fuih bawk.
He workshop hawngtu Pu V.Laisiamthara, Addl. SPD, Mizoram SSA Mission hnen atang hian ‘The Right of Children to Free and Compulsory Education Act, 2009’ tih chungchang Power Point Presentation hmangin zirtirna ngaihthlak a ni bawk. He workshop ah hian Pi Rinthanpuii leh Pi J. Zothanpari te chu Resource Person-a hman an ni a, District tin atangin Resource Person te an tel a ni.
