Nimin leh vawiin nileng hian Power & Electricity Department Engineer –in – Chief, Pu Liannghinglova Pachuau chuan Lawngtlai leh a chhehvela P&E Department hmalakna hrang hrangte a tlawh a, Lawngtlaia P&E Office a thawktute a kawm bawk.

Pu Liannghinglova Pachuau hian nimin tlai khan Chawnhu khuaa 33 KV Power Sub Station chu tlawhin khawl leh thildangte thuam that dan leh tih changtlun dan tur a en a, chumi hnuah Lawngtlai Bawrhsap Pu J. Hmingthanmawia nen P & E in Lawngtlai District chhunga hmalakna a neih hrang hrangte an sawi dun leh bawk. Tukin khan Pu Liannghinglova Pachuau hian Lawngtlai Power House Complex a 33 KV Sub Station thar sak tura ruahmanna hmun a tlawh leh nghal a, hemi rual hian Lawngtlaia P&E Executive Engineer Office dah thar building sakna tur hmun leh Quarters dahna tur hmunte an en nghal bawk. Vawiin vek hian Amah rawn zuitu Er F Rualzakhuma, Chief Engineer (SO) chuan Bungtlang South khuaa P&E SDO Office hmun tur leh 33 KV Sub-Station hmun tur hmunte tlawhin khawtlang hruaitute a kawm nghal bawk.

Hengte bakah hian Restructured Accelerated Power Development & Reform Programme (RAPDRP) hnuaia 11 Kv Line siam mek te, LT Line thawh mekte, Distribution Transformer te a en bawk.

Enginner–in–Chief hi Chief Engineer(SO) Pu F. Rualzakhuma bakah, Superintending Engineer Er. H. Zoliana, Joint Director of Account Pu H. Vanlalhuma leh Dy Director (Admin) Pi Lalnunmawii ten Aizawl atangin an rawn tawiawm a. Lawngtlaia P&E Executive Engineer awm hmasa ber Pu Lalramlien F. Tusing leh Pu Hemsat Chongloi, SDO, P&E leh thawktu dangten an lo dawng sawng a ni.