Power &  Electricity Minister Pu R Lalzirliana chuan vawiin khan  Control room Rabung ah 33 KV Sub- Station  a hawng.

Khuallian P&E Minister Pu R.Lalzirliana chuan  Rabung khua chu BPL awmlohna khua an nih avangin a fak a, he khua hi a lo than zelna tur leh hnamdang ten an nek ral lohna turin leh hma a lo sawn theih nana ralthuam tha ber chu thalaite leh zirlai te lehkhathiamna leh thil hrang hranga inhmang nasa turin a fuih a, a bik takin Central Service lamah te tan la turin a fuih bawk a ni.

Khualzahawm Pu TT Zothansanga,MLA pawhin thu sawiin Rabung atanga khaw hrang hrang intlawhpawhna atana kawng thawhmek a nih thu a sawi.

Hawnna programme hi Pu  H.Lalengmawia, IAS ,P & E Department Secretary-in  kaihruaiin, Er Lalramliana, Engineer-in-Chief   hnen atangin Technical Report  ngaihthlak a ni a. VCP Rabung Pu H Lalawmmeka’n thu a sawi bawk.